Отбасының басты қазығы, алтын тiреу дiңгегi — бала. Бала — бұл жер бетiндегi ең пәк, ең шынайы, ең адал жан!
Бiз Сiздiң балаңыздың ерекше және ең тамаша екенiне кәмiл сенемiз. Өзгеше, өнерпаз, ойлап табу қасиетi — бұл ерекшелiктердi әр баладан байқаймыз!
Сiздiң балаңызды жинақы, ерiктi, өзiне-өзi сенiмдi, Абайдың, Пушкиннiң, Шекспирдiң тiлiнде сөйлей алатын ұрпақ ретiнде тәрбиелеуге тырысамыз деп үмiттенемiз. Оның бойындағы өнердi ашып, өздiгiнен әрекет жасауға, дәстүрден тыс ойлауға, бос уақытын ұйымдастыруға көмектесемiз. Дұрыс тамақтанып, жақсы қарым-қатынас жасауына жағдай жасаймыз. Жаңа «Алтын бесiк» балабақшасы Сiздiң балаңыздың сенiмдi көмекшiсi, жақсы досы болуға дайын., құрметтi ата-аналар! Балаңыздың уақытының бiр бөлiгiн бiзге сенiп тапсырыңыз, ал бiз болсақ, оның балалық шағының естен кетпес қызғылықты болуына қолдан келгеннiң бәрiн аямаймыз!
«Алтын бесiк» балабақшасы 320 балаға арналған. Барлық 14 топта әр бала үшiн жайлы жағдайлар жасалған.
Балабақшада замануи жас ұрпаққа арналған қауiпсiз спорт құрал-жабдықтарымен қамтамасыз етiлген спорт зал, ән-күй залы, лингафон кабинетi, компьютер сыныбы, Монтессори кабинетi, Өзiн-өзi тану кабинетi бар. Бiлiм беру үрдiсi мемлекеттiк тiлде жүзеге асырылады.
Мектепке дейiнгi бiлiм беру мекемесiнiң бiлiм сапасын арттыру үшiн тәрбиелеу-оқыту үрдiсiне психологиялық қызмет, бейнелеу өнерi, ағылшын тiлi, хореограф сияқты қосымша бiлiм беру қызметтерi енгiзiлген. Бiздiң балабақшамызда әсiресе бала қауiпсiздiгiне ерекше көңiл бөлiнедi.
